Divorci të bën më të forte

D

ivorci të bën më të forte - Askush nuk pret që të divorcohet kur martohet, por ja që ndodh për miliona njerëz.

Divorci nuk është përvojë pozitive. Fillimi pas divorcit është traumatik. Në fakt, divorci është ngjarja e dytë më stresuese pas vdekjes së bashkëshortit, sipas Holmes&Rahe Stress Scale. Megjithatë, hulumtimet tregojnë se njerëzit që kanë përjetuar divorc, kanë një vlerësim më të madh për gjërat e përditshme.

Ndoshta ka një të vërtetë në shprehjen ”çdo gjë që nuk të vret, të bën të forte”. Këto janë disa tipare që divorci ndihmon të kultivohen.

Besim - Është e çuditshme të mendosh se divorci ndihmon të rindërtosh vetëvlerësimin, sepse në fillim zakonisht ta shkatërron atë. Në fillim të procesit, nuk jeni i sigurt nëse do të mbijetoni, por pasi ia keni dalë, do të keni më shumë rezistencë mendore dhe besim se sa ndonjëherë më parë. Falënderim - Në divorc, ju humbni diçka. Ndoshta pjesë të identitetit, shtëpinë, për fat të keq edhe sa kohë duhet të kaloni me fëmijët. Kjo ndjenjë humbjeje, zemërthyerje, kultivon një ndjenjë më të madhe mirënjohjeje. Miqtë dhe të dashurit rriten për t'ju mbështetur dhe ju rriteni më pranë tyre gjatë procesit. Përfundimisht, kur të shëroheni pas divorcit, dhimbja do të zvogëlohet dhe ju do të keni një vlerësim më të madh për shumë gjëra në jetën tuaj për të cilën jeni mirënjohës. Individualitet - Kur djemtë martohen, identiteti i tyre priret të shkojë me atë të bashkëshortes. Kjo e bën jetën pas divorcit për burrat veçanërisht sfiduese, sepse ata humbin pjesë të identitetit të tyre. Kjo nxit një proces vetëzbulimi që ju jep një ndjenjë më të madhe se kush jeni si individ, si dhe një shkallë më të lartë lirie. Rizbulimi i vetes pas divorcit është një mundësi për të provuar përvoja të reja. Përdoreni atë liri që të kuptoni se kush je dhe çfarë intereson. Filloni një hobi të ri dhe përpiquni të gjeni atë që jeni të pasionuar. Mësoni më shumë për atë se kush jeni dhe çfarë ju intereson me të vërtetë, kjo do t'ju ndihmojë të zhvilloni marrëdhënie më të shëndetshme dhe të ecni përpara. Ndjeshmëri – Kur përjeton diçka traumatike, diçka që trondit thelbin tuaj, ju zhvilloni ndjeshmëri për të tjerët që kalojnë përpjekje të ngjashme. Kjo ju jep mundësinë për të parë pikëpamjet e tjera dhe ju ndihmon të merrni parasysh ndjenjat e të tjerëve. Sa herë që keni një mik apo një të dashur që përjeton ndonjë humbje, do t'i ndihmoni ata ta përballojnë me përvojën tuaj - Shawn Garrison