Ushtrimet fizike ju bëjnë më të lumtur sesa paratë sipas hulumtimit të Yale dhe Oxford.

U

shtrimet fizike ju bëjnë më të lumtur sesa paratë sipas hulumtimit të Yale dhe Oxford.

Studiuesit në Yale dhe Oxford thonë se ushtrimi fizik është më i rëndësishëm për shëndetin tuaj mendor sesa statusi juaj ekonomik.

Shkencëtarët zbuluan se ndërsa njerëzit që ushtrohen rregullisht kanë tendencë të ndjehen keq për 35 ditë në vit, njerëzit që nuk ushtrohen ndjehen keq për 18 ditë më shumë. Ekipi gjithashtu zbuloi se sporte të caktuara që përfshijnë shoqërizimin kanë edhe më shumë efekt pozitiv në shëndetin tuaj mendor sesa sportet individuale.

Për më tepër, studiuesit zbuluan se njerëzit fizikisht aktivë ndjehen po aq mirë sa ata që nuk bëjnë sport por që fitojnë rreth 25,000 dollarë më shumë në vit. Në thelb, ju do të duhet të fitoni shumë më tepër për të marrë të njëjtin efekt nxitës të lumturisë që ka sporti.

Por kjo nuk do të thotë se shumë sport të bën të lumtur. Ushtrimi i tepërt mund të jetë i dëmshëm për shëndetin tuaj mendor dhe fizik.

"Marrëdhënia midis kohëzgjatjes së sportit dhe ngarkesës mendore është në formë U-je", tha autori i studimit Adam Chekroud nga Universiteti Yale në një intervistë tek Die Welt. Studimi zbuloi se aktiviteti fizik kontribuon në një mirëqenie mendore më të mirë vetëm kur ai futet brenda një afati të caktuar kohor.

Sipas studimit, 3 deri në 5 seanca trajnimi, secila që zgjat nga 30 deri në 60 minuta, janë ideale në javë. Shëndeti mendor i atyre pjesëmarrësve që ushtrohen më shumë se tre orë në ditë vuajti më shumë sesa i atyre që nuk ishin veçanërisht aktiv fizikisht.

#NdihmePerMeshkuj#NdihmePerBurra#orientim#perfaqesim#keshillim#MenaxhimRasti#NdihmeJuridike#psikolog#divorc#coach#prinderim